څنګه درس یاد کړو؟

  لیکنه : نویدالله (الکوزی) د بشري علومو پوهنځي رئیس

 د درس زده کول او د درس ویل هغه څه دي، چې نن سبا ورسره هر ځوان مخ ده ،د درس د ویلو او بیا زده کولو لپاره د هر شخص ځان ته بیله طریقه او روش وي ، خو دا چې کومه طریقه سمه او کومه ناسمه ده موږ پرې دلته بحث کوو.

زموږ د زده کونکو د نورو ستونزو سره په خوا کی ، یوه ستره ستونزه همدا وي ، چې دوي که په ښوونځي کې وي او که په پوهنتون کې وي .

 هغه مهال چې مجبوره شي او سبا يي ازموینه وي ، نو بیا د شپي کتاب راو اخلی ، که چیرې په همدې شپه ‌ذهنآ اماده نه وي ، نو بیا خو د سبا ورځې ازمویني ته هیڅ هم نه لري ، دوهمه ستونزه د درس د نه یاودولو دا هم ده چې ډیری وخت زده کوونکي د نقل په طمعه وي ، درس ته يي قطعا زړه نه کیږي او د درس ویل ورته ډير سخت تمامیږي .

خیر په هر صورت ، راځم د ې ته چې په کومو طریقو کولای شو ښه درس یاد کړو ، تر څو په سبانۍ ازموینه کې او تر هغې وروسته هم له یادې شوي موضوع ګټه واخلو

  هر زده کونکی د درس ویلو خاصه طریقه لري ، د بیلګي په ډول ځینې کتاب له پیله شروع کوي هره موضوع په بشپړ ډول یادوي او بیا دوهمې موضوع ته ورځي ، ټول کتاب په دوه یا دري ورځو کې خلاصوي.

  ځینې بیا له میخانیک طریقي کار اخلي ، کوښښ کوي چې د ټول کتاب کاپي په ذهن کې ولري، هره موضوع په هماغه کټ مټ عباراتو یادوي چې میخانیک ورته ویلی شو.

دریمه ډله بیا کتاب اخلي ، څو ځله يي لولي مفهوم ترې اخلي ، هره موضوع له ځان سره په ذهن کې ساتي او په بار بار پر یوې موضوع راځې.

پورته هره یوه طریقه ځینې ، ښیګڼي او بدګڼې لري ، خو دا چې کومه طریقه ګټوره ده ترڅو موږ ترې استفاده وکړو کولای شئ خپله هم یوه تجربه وکړئ.

  د دې لپاره چې موږ په اسانه توګه درسونه داسې یاد کړو چې د تل لپاره مو په ذهن کې پاتي شي باید لاندې کړني د درس ویلو پر مهال پر ځان عملي کړو .

۱ – په موضوع ذهنې تمرکز : هر وخت چې موږ یو څه لولو او یادوو يې، که چیري په هماغه موضوع تمرکز ونلرو ، د خپلو ټولو فکرونو او خیالاتو دروازي ونه تړو نه شو کولای درس په سم ډول یاد کړو.

 ۲ – انسان په یو وخت کې یو فعالیت ترسره کولای شي . که چیري د درس ویلو پر مهال کوم بل فعالیت هم تر سره کوو ، نو دواړه کارونه راڅخه ګډوډیږي او نه شو کولای په درست ډول درس یاد کړو .

 ۳ – حالات : ځینې مهال یو شخص ذهنآ او جسمآ د درس ویلو لپاره اماده نه وي ، په دا سې وخت کې هم نه ده په کار چې په درس ویلو باندې خپل ځان ته تکلیف ورکړو . ۴ – د درس د ویلو ښه طریقه باید وکاروو ، د تجربو له مخې د درس ویلو ښه طریقه هغه ده چې ، موږ یوه موضوع د هغه د مفهوم له مخې ذهن ته وسپارو نه په میخانیک ډول ، که چیرې موږ د یوې موضوع مفهوم ذهن ته وسپارو، که د هماغې موضوع سره کله مخ کیږو کولای شو مفهوم يي په خپل عباراتو ولیکو ، چې دا د درس یادلو له کامیابو طریقو څخه شمیرلای شو .

۵- کله چې د ډیر درس ویلو له امله ستړي کیږو نو ارام او تفریح ته ضرورت لرو ، دا به غوره وي چې تر لنډي تفریح وروسته بیرته درس ته راشو . له دې سره سره د خپل درس ویلو وخت باید په خپله ځان ته وټاکو، خو د درس یادولو ښه وخت د سهار له لمانځه وروسته وخت دی ، ځکه په دې وخت کې ذهن په بشپړ ډول اماده وي.

په ټوله کې ویلای شو چې ، د درس د یادلو لپاره پر موضوع ذهني تمرکز ، په مفهوم ځان پوه کول ، د حالاتو او وخت پیژندل ، د ستړیا په صورت کې تفریح کول او ځینې نوري برخي عملی کړو نو په ډيرې اسانۍ سره کولای شو یوه موضوع د تل لپاره ذهن ته وسپارو .